Mediataitokoulun kootut materiaalit pohjoissaameksi
- Mu gorut mu ráját – Rávagihpa nuoraide (mun keho mun rajat)
- Digitála media plána – rávvagat skuvlii bargobáji doallamii (digitaalisen median suunnitelma kouluille)
- Bálgát medialohkanmáhttui (polkuja medialukutaitoon)
- Bálgát programmerenmáhttui (polkuja ohjelmointiosaamiseen)
- Neahttaeallin (Nettielämää -sarja)
- Ovttaveardásaš medialohkandáiddu plánenprinsihpat (yhdenvertaisen medialukutaidon suunnitteluperiaatteet –juliste)
Mu gorut mu ráját – Rávagihpa nuoraide (mun keho mun rajat)
Diehtu álásgovaid juohkimis ja seksuálasidjii čálašeamis. Rávagihpa nuoraide.
Dát rávagihpa lea du várás, 13—17-jahkásaš nuorra olmmoš. Rávagihppaga ulbmilin lea muitalit álásgovaid juohkima birra miehtanvuloš ovttastallamis nuppiin nuorra olbmuin ja mo galgá doaibmat dalle, jos gii nu juohká du álásgovaid somes.
Rávagihppagis muitaluvvo maiddái groomingas dahjege das go nuorra olmmoš hohkahuvvo seksuála áigumušaide. Dasa lasin gihppagis leat rávvagat dasa go ollesolmmoš bivdá nuorra olbmos álásgova dahje sádde sutnje some bokte álásgovaid alddis.
Rávagihpa addá rávvagiid, mo dákkáraš dilálašvuođain galggašii doaibmat: geasa muitalit ja mo almmuhit dáhpáhusa birra Pelastakaa Lasten Nettivihje-bálvalussii.
Mu gorut mu ráját – Rávagihpa nuoraide
Digitála media plána – rávvagat skuvlii bargobáji doallamii (digitaalisen median suunnitelma kouluille)
Digitála media plána ollašuhttin
- Digitála media plána huksejuvvo bargobádjebeaivvi birra, man áigge gieđahallo ja girjejuvvo skuvlla dalá dilli, njuolggadusat, geavadagat ja dain gulahallan.
- Ulbmilin lea bisánit dárkkodit, doibmetgo dálá geavadagat, ja mo daid sáhtášii ovddidit dan láhkai ahte nuoraid oppalaš digiburesveadjin buorránivččii.
- Vástádusat čohkkejuvvojit čielga ja deahtta báhkkii, man sáhttá geavahit gulahallanmateriálan oahppiide, fuolaheaddjiide ja bargiide.
Bálgát medialohkanmáhttui (polkuja medialukutaitoon)
Rávagirjjáš čohkke buori pedagogalaš doaibmama ja buori máhtu govvádusaid ja ovdamearkkaid, mat govvidit daid. Ovdamearkkat leat válljejuvvon árabut suoma- ja ruoŧagillii almmustahttojuvvon Bálgát medialohkanmáhttui -ráiddu rávagirjjážiin (2. ođasmahttojuvvon preanttus) árrabajásgeassimii ja ovdaoahpahussii, jahkeluohkáide 1–6 ja 7–9. Vástideaddji čoahkkáigeassi rávagirjjáš lea ráhkaduvvon maiddái programmerenmáhttui.
Bálgát programmerenmáhttui (polkuja ohjelmointiosaamiseen)
Rávagirjjáš čohkke buori pedagogalaš doaibmama ja buori máhtu govvádusaid ja daid govvideaddji ovdamearkkaid. Ovdamearkkat leat válljejuvvon árabut suoma- ja ruoŧagillii almmustahttojuvvon Bálgát programmerenmáhttui -ráiddu rávagirjjážiin (2. preanttus) árrabajásgeassimii ja ovdaoahpahussii, jahkeluohkáide 1–6 ja 7–9. Vástideaddji čohkkejeaddji rávagirjjáš lea ráhkaduvvon maiddái medialohkanmáhttui.
Neahttaeallin
Našuvnnalaš audiovisuála instituhta (Kansallinen audiovisuaalinen instituutti) KAVI buvttadan Neahttaeallin-ráiddus almmustahttet mánáide ja nuoraide iešguđet ahkejoavkkuid mielde čujuhuvvon animašuvnnaid. Temáid gieđahallama doarjjan lea ráhkaduvvon guđege animašuvnna oktavuhtii pedagogalaš materiála. Materiálain sáhttá ávkkástallat sihke árrabajásgeassimis ja ovda- ja vuođđooahpahusas ja ruovttuid dahje vaikke girjerádjosiid mediabajásgeassima doarjjan.
- Hástalus – animašuvdna mediabajásgeassimii
- Servera buoremus – animašuvdna mediabajásgeassimii
- Mediabalut – animašuvdna mediabajásgeassimii
- Vuosttamuš telefovdna – animašuvdna mediabajásgeassimii
Ovttaveardásaš medialohkandáiddu plánenprinsihpat (yhdenvertaisen medialukutaidon suunnitteluperiaatteet –juliste)
Ovttaveardásaš medialohkandáiddu plánenprinsihpat
